28 —¡Je, aitake! ¡Je, aitake! —inkantajeitanake maroni jananekipe. Yatsarajeitanake ara bametantsiki. Imposaitiro bametinkari isankenamento ari inkanti: —¡Pisantikojeite! Santikoiteni bametantsiki aisati obameniteripe saikajetaitanake iyaripetateki, te ishebajeityaji, ari yaminajeitanakeri bametinkari. ¡Pamenete ikantashibeyeta Humberto Grieve! ¡Piñakeri iritake kantakakarori! ¡Amenerita meka jaka inkanteri bametinkari, inkityon- kaboroitira inkisakakari! ¡Iritake kantakarori Humberto Grieve! —¿Paita kantashiyetachari aka? —isampitiri bametinkari Paco Fariña. Irikea Paco Fariña inkisanentanaka yamenasontokitanakeri, inkantiri: —Inkaposakena Humberto Grieve noboroki, tekatsi nonkantabetyari. —¿Kiariompa, Grieve? —Teña, bametinkari —yakanake Humberto Grieve—. Teña nanteriji. Ari yamenamintsatiri bametinkari yora maroni obameniteripe tekatsi inkantanake. ¿Janika kamantakosanotatsiri? ¿Fariña irimpa Grieve? —¿Janika ñakeriri? —isampitiri bametinkari yora Fariña. —¡Marojeiteni, bametinkari! Aisati iñakeri Paco Yunque. —¿Kiariotake inkantakeri Paco Fariña? —isampitakeri bametinkari yora Yunque. Iri Paco Yunque yamenanakeri Humberto Grieve, impoiji te yakeji, irorika inkamantakotakeririka, ari yantakeri Humberto aririka isokijajeitanaje. Te yakeji Yunque ari yoiyotanaka. Ari inkanti Fariña: —Tekatsi inkante Yunque, bametinkari, ariña yantakeri Humberto Grieve, tempa iritake imperanatari aisati isaikimotiri ibankoki. Isampiti bametinkari pashini obameniteripe: —¿Janika pashini ñakeriri inkantakeri Fariña?
RkJQdWJsaXNoZXIy MjgwMjMx