29 —¡Naro, bametinkari! ¡Naro, bametinkari! ¡Naro, bametinkari! Yapitajiri bametinkari isampitajiri Grieve: —¿Ariompa, kiariotake, Grieve, abirotake antakeriri Fariña? —¡Te, bametinkari! Teña nanteriji. —Picheyakariya, Grieve. ¡Kametsanti jananeki kemetampiri, te inkante icheyayetya! —Te, bametinkari. Teña nanteriji. —Aribe. Nakakotimpi pinkantakenari. Noyotakotimpiña te picheyapinintyaji. Aribe. Nonkantempi teya nonkoeji nokemakotajempi apatani. Impampitsashireaka bametinkari, yanitakera, irikea obameniteripe isaikajeitake te ishebatyaji. Kisañentyakaji Paco Fariña inkobabetakara irayame: —Tekatsi kisherine, yatsanatantayeta itimakotira kireki iriri. Nonkamantatyero inajeni. Inkemabakeri bametinkari ari meka inkatimotapari Fariña impoiji ishintsinatakeri inkantiri: —¿Paitampa pinkantiri? Yora Humberto Grieve kametsa inati. Te icheyapinintyaji. Tekatsi inkantajeitempi. Irotake kari nonkisantari. Aka meka pishiyabakajeita marojeini, itomipe kirekipakori aisati kari timabetachane irekite. Ari nonkisakeri inkantabetya itomi kirepakori. Aririka nonkemajempi pinkishimatiri iriri Grieve, ariya noimisaikakempi apite hora. ¿Pinkemakena? Ari yoiyotanaka Paco Fariña. Aisati Paco Yunque. Apiteroketi iyojeibetaka iritake Humberto Grieve antajeitakeriri aisati cheyinkari inati. Inkenaitanaji bametinkari pisaraki ari isankinatapaji. Paco Fariña isampitabetari Paco Yunque: —¿Karikea pinkamantantaro piniro? —Aririka nonkamantakero inajeni, ari ompasatakena impoiji ora obatorote ari onkisanakea. Sankenabetacha bametinkari pisaraki, irikea Humberto Grieve itsonkakakero ishiyakantayeti isankenarepanaki inkoayetakeri.
RkJQdWJsaXNoZXIy MjgwMjMx