37 Ompoimatitanaja campana ari impiyajeitanajara jananekipe anta obametantsiki. Yakatsajeitanakeri apiteroiteni Zumiga yora Paco Yunque. Atsarajeitacha obametantsiki berajetainchari intarori yotanerinte, inkiapakera bametinkari. Ari isantikojeitanake maroni. Yamenanakeri bametinkari marojeini katsimaitanake ishiyanakari soraro inkanti: —¡Pisaikajeite! Impoimatakaitiro imposapakerora karipetape ari isaikajetaitanake maroni obameniteripe. Iritya bametinkari ari isaikapai isankinatantamento ari inkajemajeitiri aparope jananeki inkamitakotiri antaberentsi ñanatakotiriri shimape. Ipeyetapakerira bametinkari obaperite sankenapanaro, ari iñanatakotiro aisati isankenatakotiro inotate iribiroki. Iritya Humberto Grieve inkempejimotapakari iyaripetateki Paco Yunque ari ipapajiri iribirote, isankenarepana jero irapishite. Irokea isaraitabakeri ibaperite sankenapanaro yantabetakari Paco Yunque aisati isankenatabakero ibajiro. Inkantita bametinkari: “Humberto Grieve”, ijatitanaka Grieve aisati impapakeri yantabere Paco Yunque inkemetakakaro irashi. Inkantita bametinkari: “Paco Yunque”, obakera inkobanakero Yunque yantabere isankinabetakari obaperiteki sankenapana ari ompeimotanakari. —¿Pimpiakerompa —isampitiri bametinkari— tempa panteroji? Te iyote Paco Yunque paita opiapitsatantanakariri ibaperite isankenabetakari isankenapanate, pashibentanaka, imajeretanake ari yoiyotanaka. —Aitanaji —inkantiri bametinkari, impoiji isankenatakotiro iribiroteki tera imperiji yantabere Paco Yunque. Impoiji pashinipera irosati impajeitiri yantabere. Intsonkanakerora bametinkari yamenayetiro antaberentsipe, ari inkiapake Director jebatakantirorira Yotantsipanko. Inkatiyajetaitanake bametinkari jeri jananekipe ibetsajeitabakari. Irikea Director yamenashireapakeri marojeini obameniteripe impoiji ishintsinatake iñabeti inkantajeitiri:
RkJQdWJsaXNoZXIy MjgwMjMx