34 Osamaninentakera, ari inkatiyanaka bametinkari impoiji isampijeitiri: —¿Pitsonkajeitakerompa? —Je, notsonkajeitakero bametinkari —yakajeitanake marojeini. —Aribe —inkantanake bametinkari—. Pisankenatero pobajirope otsonkapara sankenarepana kametsayakea. Inkemajetaitabake ompoimatanake campana ishitobantajeityari iñatsajeitya. Yatsarajeitaitanake jananekipe ishiyajeitanaka ari ishitobajetaitanake saiterikira. Irikea Paco Yunque isankenatakobetakaro kametsa antaberentsi impoiji ishitobanake iñatsata yaitanakero iribirote, isankenarepana jero irapishite. Saiterikira, impokapake Humberto Grieve ari yajirikashempatapakeri Paco Yunque, inkisatsatakeri ari inkantiri: —Kate tsame añatsatya melo. Itatsinkitari niyankiki ari ijokakaitiri iribitote, isankenarepana jero irapishite. Inkemisantapinintiri Yunque intiyankayetiriri Grieve, kityonkaboroini impashibentabetakara yamenamintsajeitakerira pashinipe jananeki itekamintsatakerira Humberto. Inkobabetaka irayame Yunque. Yora Paco Fariña, apiteroiteni Zumigas aisati pashini jananekipe itiyontapakari Humberto Grieve aisati Paco Yunque. Tonkintira jananeki kiteshibari iri ajirori iribirote, isankenarepana jero irapishite Yunque, irikea Humberto Grieve apitsatabajiriri, inkantirikea: —¡Patatsita! ¡Eiro pakakotiritsi! Iritakeña nomperanatari Paco Yunque.
RkJQdWJsaXNoZXIy MjgwMjMx