32 patorora, bashiretaka Paco Yunque iñakara yantapinintiri Humberto. Maroni, maroni, marojeini intsarobakajeitari Humberto aisati iriripe. Maroni. Maroni. Maroni. Aisati bametinkari intsarobakari. Ontsaroi kotsibentirori. Ishinto kotsibentirori. Iriniro Paco. Aisati Venancio kitsatarori mantiri. Jero María kibayetirori tsintantamentotsi. Ontsi- rajakero oshaiteji aparo tsintantamento onkantanaka oporojanake mabakini. ¿Arimpa yantetakeri iriri Paco Yunque? ¡Tetemi inkantajeiteji patorora jeri itomi Humberto! Inkobabetaka irayame Paco Yunque. ¿Tekerampa intsonkero isankinate bametinkari pisaraki? —¡Aribe! —inkanti bametinkari, intsonkanakerora isankenare—. Jeroraya meka nosankenatakeri antaberentsi. Irokea meka, pimisokijero pisankenarepanape impoiji pisankenatero piñakotakeri pisarakira. Pinkemetakayeroya antaberentsira. —¿Asankenaterompa sankenarepanaki? —Isampitakera Paco Yunque intsarobanentakera. —Je, aitake ara pisankenarepanaki —ari yakanakeri bametinkari— ¿Piyobetampa pisankenati kapichaji? —Je noyoti, bametinkari. Ibametanaña apajeni nosaikabeitani nobanekinta. —Jaje kametsa. Mekakea, pisankenajeite maroni. Ari yajeitanakero isankenarepanape jananekipe impoiji isankenajeitakero antaberentsi isankenatakeri bametinkari pisaraki. —Eiro pintsarokeajeititsi —inkanti bametinkari—. Pisankenajeite onetsikianenta, tekatsikea pinkenakashityaro. Ari isampiti Humberto Grieve: —¿Yora, bametinkari, irotakempa antaberentsi pisankenatakeri ñanatakotiriri shima? —Je irotake. Meka maroni pisankenajeite. Santikoiteni onkantanaka obametantsi. Tekatsi ñabetanajatsine irointi poimatanaintsiri irapishitepe. Isaikaitanaji bametinkari isankenamentokira aisati isankenatapai iribiropeki. Irikea Humberto Grieve, inkantyame isankenatakotero antaberentsi, irointi inkobiro ishiyakantayete isankenarepanaki. Itsonkakakero maroni ishiyakantayetiri shimape, imoñekote jero monkararojanikipe. Otsonkapakara sankenarepana aitake ibetsikakerori ishiyakantayetakeri.
RkJQdWJsaXNoZXIy MjgwMjMx