31 Iri Paco Yunque inkenkishireakotiro iriniro. Impoiji inkenkishireakotapajaro ibatoronate jeri Humberto. ¿Nama ari impasayetabajeri impiyabetanajearika ibankoki? Ari yamenanakeri Yunque pashinipe jananekipe kari anterine aisati te yanteteri Fariña, tekatsipe. Aisati te inkoajeite yajirikayeteri Yunque pashiniki karipetape, kemetainchari Humberto inkobabetaka imisaikeri. ¿Paitampa yantamintsanatantariri Humberto? Obakerakea Yunque inkamantero iriniro aisati aririka yantajeri Humberto, ari inkamantakeri bametinkari. Irikea bametinkari tekatsi inkanteri Humberto. Intainikea, ari inkamanteriri Paco Fariña. Ari isampitiri Paco Fariña: —¿Aisatimpa yantimpi Humberto? —¿Naro? ¡Eiro imatana yantena! Ari nonkaposanakeri icheraki aisati ari noyobakakeri iriraja. ¡Pamenenate! ¡Noyakotabakeata yantanatena! ¡Pimajiretakote ari piñabakena! ¡Ari nonkamantakero aisati inajeni! ¡Ari impokake aisati apajeni ari yantapakeri Grieve impoiji yanteri iriri, ari yantanakeri marojeini! Kemisantake Paco Yunque intsarobanentakera inkantakeri Paco Fariña. ¿Kiariorikakea ari yantakeri Humberto? ¿Aisati iriri ari impokake yanteri iriri Grieve? Ichenkabetakari Paco Yunque, tekatsiña antapininterine Humberto. Ariorika yantakeri Fariña, ari impokake ibatorote ari yantapakeri Fariña aisati ari yantanakeri iriri Fariña. Ari yantajeitanakeri maroni. Intsarobakajeitariña maroni. Inkantapinintaña Grieve inkatsimati aririka iñabete aisati osheki imperanatanti. Impokashijeitiri inampiki tsarobakariri yora shiramparipe jero tsinanepe kemisantajeitiriri ibatorotepe. Inkantapintatya, yora ashijanitachari Grieve yatsanataro yanakotiri bametinkari aisati yanakojeitiri marojeini. Ari yamenanakeri Paco Yunque isankenatakera bametinkari pisaraki. ¿Janikampa obametantatsiri? ¿Paitampa inkatsimatantari aisati paita intsarobakayetantariri? Irosati Yunque yamenamintsatiri. Tetemi ishiyariji iriri aisati te ishiyari ashijanitachari Grieve. Inkemejeitariña pashinipe atiripe pokajeitatsiri ibankoki kenkitsatakairiri ibatorote. Irotya inkanta inkityonkatsanoti aisati irina ishiyaro iyamantsite pavo. Impoimatakairi isapatote sherek - sherek - sherek, aririka yanite osamani. Te onimoshirieriji Yunque. ¿Jaokampa onkarate ijatantajeari ibankoki? Irikea Humberto ari yantakeri ishitobajeitanajerika otsonkanajearika bametantsi yotantsipankokira. Irokea iriniro Paco Yunque kanterine Humberto: “Eirobe, jananeki. Eiro pantiritsi Paquito. Te onkametsateji”. Tekatsi pashini onkanteriri. Irikea Paco okityonkatimotakeri ibori yatikakerira Humberto. Irotake kantachane irantyari Paco. Tekatsi inkanteteri Humberto. Inintetirini Humberto initiri iriri jero iriniro
RkJQdWJsaXNoZXIy MjgwMjMx