24 Ari isampitiri bametinkari: —Orate… ¿Poijainirimpa nija pobakotapakerinta? —Te, bametinkari. Inkenashiyeta apaniro, inkeni nosaikantamentoki. Ari ishirontajeitanaka maroni jananekipe. Meka aparo ebankari, tonkinti aisati kiteshibaki, inkanti: —Bametinkari, icheyaya. Ariña inkamanake shima intsipaini, eirorika intimakotanajitsi inijate. —Te, bametinkari —kantabetacha Humberto Grieve—. Antaña napatiyabakomentoki eiro inkamitsi. Obanenkasanotaña napatiyabakamento. Inkantakenaña apajeni pame shimape ariña poipakayetapajeri saikantamentotsipeki. Ishirontamintsatakari Paco Fariña. Intsipatakari pajijeitachari Zumiga. Pashinira kirinko batsanti, ichaketate kitamarori jeri pashinira, mokoina iboro kantabetachari ichaketate kenashiri, ishirontibentajeitanakari. ¡Paitakea Grieve mapero ishirontakanti! ¡Imisaikiri ishimatepe yapatiyabakamentoki! ¡Ara isaikantamentope! ¡Ijitakantakeri tsimeripe! Mapero icheyaperoitaka inkenkitsatakotiri Grieve. Maroni jananekipe ishirontibentajeitakari: —Jejei! Jejei! Jejei! Jejei! Jejei! ¡Icheya, bametinkari! Jejei! Jejei Jejei! Jejei! Jei! ¡Icheya! ¡Icheya! Kisanaka Humberto Grieve tekatsira akakoterine inkenkitsabetakari. Ishirontibentajeitanakari marojeini. Irikea Grieve inkenkishireabetaka yabetanaka ibankoki apite shimajaninki ari imisokijapakeriri yapatiyabakamentoki aitake isaikakotapairi osheki kitaiteriki. Ishebatajantiri iñabetari shebabetacha. Te iyosanote irosatirika yañei irorikampa inkamijeititanaka. Inkobake, Grieve, inkemisanteterime ikantabetakari. Ishirontibentajeitakarira maroni, inkantitari aparo Zumiga: —¡Kiariotemi! Tempa apajeni intimi osheki irekite. Inkantakena ari yanakeriri maroni shimape timatsiri antarojaki nija ari yoimisakajeriri nobankoki. Nashityari. Iritake noñatsatyari ara napatiyabakamentoki. Iñabetanake shintsini bametinkari ari inkati: —¡Aribe! ¡Aribe! ¡Pimajirejeite! Nama, te inkenkishireaperotya Grieve. Tempa inkami shimape ariranki…
RkJQdWJsaXNoZXIy MjgwMjMx