22 —Nojatatyeya isainkinta Humberto. Inkantirikea Paco Fariña: —Eiro pijati. Eiro pimasontititsi. Ariña inkisakempi bametinkari. Inkajemanake Fariña yameniri Grieve irikea Grieve aisati yasarimatakari yoinijakeri imposanateri, iñabetimotashita inkisakara, imanapitsanentari bametinkari tekatsi inkemeri. —Inkajemanake Fariña —¡Bametinkari!—. Pamenete, yasarimatakena Grieve inkanti ari inkaposakena. Inkantanake bametinkari: —¡Shi! ¡Shi! ¡Pimajerejeite!... ¡Pamenajeite!... Meka añabetakoteri shima, impoiji, pisankenatero antaberentsipe piñantakajeitantyarori sankenarepanaki, impoijikea pimpajeitenaro namenantabakearori. Nonkoi noyote janinka anterone kametsa antaberentsira, isankenatakoyetantyariri ibajiro Sankenarepanaki Iroperotatsiri ashi Yotantsipanko, iyoyetantyariri janika anakotantatsine berainchari intarori yotaneri. ¿Pinkemajeitakena? Ankemetakajero antaberentsi antakeri aranki abisanaintsiri semanaki. Ashiyakantero katsini antakeri. Irotake ontimatye pinkemisantasanote bametantsika. Pisankenatakoteroyakea kametsa onkantakotara anta nosankenateri pisaraki. ¿Pinkematsajeitakena? Yakajeitanake maroni obameniteripe: —Je, nonkemajeitabake obametinkari. —kametsabe —ari inkantanake bametinkari—. Tsame ameneri meka. Tsame añabetakoteri shimape. Inkobajeitanake jananekipe iñabejeite. Ijikotitari bametinkari aparonira Zumiga iri iñabetatsine. —Inkanti Zumiga —bametinkari—: Timabetacha osheki impaneki otsapijakinta nija. Meka aparo kitaiteri nojatake nanibetaiti ompanekitakera ari noñapake shima añabetachari impoiji nanakeri nobankoki. Inkamimotakena nojabetanajara abostiki… Inkantita Humberto Grieve: —Bametinkari: nake osheki shimape impoiji nanakeri nobankoki ari nomisokijapakeri napatiyabakamentoki tekea inkamimotenaji.
RkJQdWJsaXNoZXIy MjgwMjMx