21 Intiyankakeri otsapiki, kempejitirori pisara iñantakantayetariri antaberentsipe. Ari itinanaka Paco Fariña ari inkantanake: —Bametinkari, aisati Grieve yaretaka osamani. —Icheya, bametinkari, —ari yakanake intsipaini Humberto Grieve—. Te naretyaji osamani. Maroni obameniteripe yakajeitanake: —¡Kiario bametinkari! ¡Kiario bametinkari! ¡Yaretaka Grieve osamani! —¡Shii! ¡Pimajerejeite! —inkantanake bametinkari inkisanentakara ari maroni jananekipe isantikojeitanake. Impampitsashireanaka bametinkari yanitakera. Irikea Fariña inkamantiri Yunque inetsikiaji iyempitakira. —Yaretaka Grieve osamani irokea tekatsi inkanteteri. Yatsa- natantayeta itimira irekite iriri. Aitake ikantapinintari yarepininta osamani kitaiteriki. ¿Aitakempa pisaikiri ibankoki? ¿Kiariokea abirotake imperanatari? Yakanake Yunque: —Notsipataroña inajeni nasaikajeiti... —¿Ibankokinta Humberto Grieve? —Kametsa onati pankotsi. Ari osaikiri obatorote jeri ibatorote. Aisati osaikiri inajeni. Irotake nontsipatari. Irikea Humberto Grieve, isaikakera antyamajiki otsipaki bametantsi, yamenamintsatakeri Paco Yunque yasarimatari inkaposeri, ishinetaka yayetanajiri iyaripetateki Paco Fariña. Tekatsi inkantanaje Paco Yunque. Nama aisati ari yantanayetajeri Humberto, tera isaikimoteriji, iyaripetateki. Ishitobabetanajearika otsokanajearika obametantsi yotantsipankoki, irikea Humberto ari itatsinkakeri inejeki aisati ari yatikakeri iboriki. Te inkante Humberto osheki yantanti, yantapinintanti. Ara kayeki. Ara ishiyapinijeitanta. Aisati antaimentotsikinta. Aisati kotsimentotsikinta, oñakotiri iriniro aisati oñiri obatoronate. Meka yanteteri tempa yasarimatakari inkaposajeri aisati yamenashatakeri ikitamarosokitanake. Irikea Yunque inkantiri Fariña.
RkJQdWJsaXNoZXIy MjgwMjMx