18 Yapititajari bametinkari inkantiri Grieve: —¡Grieve! ¿Paita pinkoasanotiri? Yatsimakara Humberto Grieve, kityonkaboroni, inkantanake: —Tebe, bametinkari. Nonkoati isaikimotena Yunque. —Poipakayeri, nonkantatimpi. —Te, nonkoe bametinkari. —¿Jaoka pinkanti? —Te nonkoe. Inkisanaka bametinkari, yasarimabetakari: —Inkantiri ¡Grieve! ¡Grieve! Aikero Humberto Grieve yamenamintsatanakeri Paco Yunque ari yajirikashempatakeri, irosati intsa- robanenti ishinetantakari ikemetakakari matsara itimpamintsatiri Fariña jeri Grieve. Mekakea Paco Yunque intsarobakakari katsini Humberto Grieve irokea tesano intsarobakayari bametinkari, aisati te intsarobakayari pashinipe jananekipe kiayetatsiri yotantsipakoki. ¿Paitakea Paco Yunque intsarobakantariri katsini Humberto Grieve? Irintiña Humberto Grieve yantapinintiri Paco Yunque. Inkempejitimotapakari bametinkari yora Paco Yunque, yajirikabakotapakeri ari yaitanajiri iyaripetateki Fariña. Ari iranaka Grieve, inkisasanotanakara inkantanaka kibare kibare isaikamentoki. Inkemabajati anitapajatsiri saiterikira irinti pashini obameniteri, Antonio Gesdres —ashijanitariri aribañiri—, ari inkatiapaka ashitakomentokira obametantsi. Ikantirikea meka bametinkari: —¿Paitampa paretantari osamani? —Namanantaitati tanta notsipaterori notsiyamañari. —¿Karikea pijatitamana? —Nonkijaitatiri nirinentijaniki ojokitatyaña inajeni irikea apajeni jatanaji yantabereki. —Ja ari —ari yakanake bametinkari, kisanenta—. Pinkatie ara… Aisati, meka, eiro pisokijajitsi timatsi pantayeteri tema pimpeakara aparo hora.
RkJQdWJsaXNoZXIy MjgwMjMx