14 Inkiapake bametinkari. Inkatiyajeitaitanaka maroni jananekipe, ibankayetakero yakosanori imonkaraparo oberapara iyempita, ibetsatanti majereini itampatikanejijeita. Te yoipakeroji Paco iribirote, isankenarepana jero irapishite, ari inkatiabeta niyankira obametantsiki, inkempejitimotaparo intarori iyaripetate obameniteripe jero isankenamento obametantinkari. Oshonkakoitanakeri. Iñakerira jananekipe. Kiteriri tantotsipe. Apatojeitachari jananekipe. Ñantsipe. Majeriantsi. Antsikoitani saikamentotsipe. Iri bametinkari. Ari inkatiya apaniro, ara yotantsipankoki. Inkobabetaka irayame. Yajirikabakotitari bametinkari ari yaitanakeri imisaikapakeri intaronta karipeta ari intsipatapari pashini jananeki imonkararira. Ari isampitiri bametinkari: —¿Jaokampa pijitari? Intsarobanentakera, yakanake Paco inetsikeanenta: —Paco. —¿Oijatirori pibajiro? Pinkantenaro maroni pibajiro. —Nojita Paco Yunque. —Aribe kametsa. Impiyaitanaja bametinkari isankinamentokira impoiji, katsimashirea yameniri obameniteripe, ishintsimintsatiri iñanati ishiyanakari soraro inkantajeitiri: —¡Pisaikajeite! Intsitonkajeitanakaro iyaripetatepe isaikajeitantanakari maroni obameniteripe. Isaikitapa iriori bametinkari impoijikea isankinatake iribiropeki. Kiso ibiro Paco Yunque yajirikiro iribirote, isankenarepana jero irapishite. Inkantirikea meka isaikimotapakerira: —Poyero pamayetakeri karipetakira, pinkemetyana. Irosati imasontiyanentake Paco Yunque te inkemisanteji. Yapitsatitari iribirote itsipamintsatakarira yobakerori karipetaki. Impoiji, ari inkantiri onimonentanakerira: —Eiro pobashireta, aisati nojita Paco. Paco Fariña. Tsame añatsatyaro nokashiyamento. Ontimakoti torres kisari. Iro amanantakenarori nonirotsori Susana. ¿Jaokampa, isaikasanotiri pishaninkasanori?
RkJQdWJsaXNoZXIy MjgwMjMx