25 rekenana jisá itan noe yobin, raniya itan ininshaman, jawen naminko jawen jene riki bata itan jawen nami, ¡joa pikotai itan pené namanai! —¡Noara iorai axeai! ¡Bená bake ainbobo meraa pekaora, jakon xabarmeran iti moa itikoma iki! Jakoinrashoko iki jato nokoti, jawebi moa non shinanyamai nokoribiti. Nato jawekiainra chonka bebon noa onitsapiti atipanke, jatianra jatibitian onisti jaweki iora raron winoai. Ja onitsapitiribi iki, jaweti bena bake ainbobo, nokokanai raro jisa imai, Ja iki jaskarakeska… enra mia jawe yoiti yamake, yoxan… ikaxbi ja iki keenti iama noiti, bebon, iora bebon. Mato jayá ikanwe, nato maimea jawekibo, jawekibo non shinanai jainkamanres… Jainxon, wetsa jawekin yoikin, mashi mato tsamatain jawen mapo rakana ik, bechón xoo ikain jawen yora potabaini, jaskarameran jawen jina jainmashaman shakota iki paniakeska. Yoiribia iki, benomaya akonbireskin oinbainkin: —Mia yokanon, iora metsá beroboyarin mia, nokon yoxan. —Metsaira jisá —ika iki yoxan Glicina— mato kenaikopi; ikaxbi eara winixonresai. Wetsatianra en shinanai —iriba iki— beroma ikaxmein, noa winiamakeanke; jawerakiax beon jokonti yamakeanke... —Eh, jaskara iketianra xochi mexkaokeax jokonkeanke, iamax nenoax, betonkoainoax —ika iki jawena metoax, westiora makan pené ikainoax. —¿Jatian jawe min ati iki bakish, ochoxon bari toró naponbekon xateai ora, bena berobo min merama ika iki, bena jimi itan bená bimi jiwi berobo? —Minra moa oinai: eara mawanoxiki. Nokon palacio ikain kamabira ea mawanoxiki, jainra ea onankatima iki itan jainxonra westiora mondacarpasnin… ea bikanti iki. Jatian basi winia iki, koshi itan noibatibires. —¿Jaweki min meniti iki, eh penebires rey, nato kimisha jawe bikaskin?
RkJQdWJsaXNoZXIy MjgwMjMx