26 —Jatibi ea yokakanketianra en meniti iki. Nokon reinobobi. ¡Jatian jawe jawekibomein en meniti iki! Enra menibirati iki jaskatax raro iti jatibi nokon reino ikain ikamabo. Jatibi jonibo ani paro chichó ikasaibo. Ani paronkoniaxra pikota iki jati nete. Nenora, westiora hipocampo penebires, ea chibanai, ika iki jonibaon rey jonibo beshé yoinashoko, xenashokobo, taponshokobo,xeashokobo inontian. Neno, ani paronkora, miimeta iki ani itan jakoinra axeya jonibo; nenora miimeti benokikanai ramatian jabo itan jai kaibo. Ani parora ika iki jainoax itan iki kai jatixonbi mai kini. Maton raro riki, ja biti atipanyamabo bimati shinan, nenora jake, jene otaxaran. Enra jatibi maton yokataibo meniti atipanke. Mainra ea westiora raenanaiya iki jara moatian nokon papashokon aniakin akina iki. Jara, niti atipanax, eiba jokeanke itan ea menikeanke oxe maxkatabo. Ikaxbira ja iki taxketi atipanyama itan ja iki maiki taxnata. Janra jati nete ribinki itan westiora nokon raebonin jakon jaweki bia. ¿Matoki jaweshoko kenai? —Ikon riki —ika iki yoxan Glicina—. Eara keena iki westiora metsaira joniki ani paronkoniax joa. Westiora yamera en noiya iki. Jatian ea yoia iki: “Kimisha baritia, kimisha oxe, kimisha simana itan kimisha yamé winoketian, keshashoko surkiri katanwe, jatianra noa keennanai jaweki pikotai mia kenaikeska…”. Jaskaribira ea joke itan neno min ea oinai. Jatianra nokon berobo en mia meniti iki, jimi en bochoati iki, itan bimi berobo en benati iki, min ea jaskaaxon noa kenai jaweki min ea menia ea kenaikeska. Yame hipocampo penebires berobo moa nokaa joeta iki, jawen bemana raroa iki itan raroai saki ika iki. —Jakon riki —ika iki ja hipocampo penebires—. Min bakera pikonoxiki. Ea ninkawe itan ea joi ninkaxonwe. Bari pikotaikirira niax mia kanonxiki. Niira min meranoxiki; jainra mia inonxiki; westiora paro baitai itan koshira min shitanoxiki, jatian jatian xooki mayataitianra mia yoyo inonxiki neskati: “Nato jiwi joara, jimira itan nokon bake ainboboshokora hipocampo penebiresna iki”, jatianra wetsaori kexá mia nokonoxiki. Wetsabora jatonbinix benonxikanai. Jawetianki ja joa kimisha reboya iki, ja betan mia jonoxiki, min bakeshokobo min ea meninoxiki, jimi, jiwi bimi, jatianra chibanmai ea mawanoxiki, ikaxbia min bakera moa pikota inoxiki. ¿Moa min benxoa iki? —Eara moa benxokata iki -ika iki yoxan Glicina. Jaskatax jain kati ikain kaa iki.
RkJQdWJsaXNoZXIy MjgwMjMx