24 Yoxan Glicinara shoko netekaina iki jatian hipocampo penebires chibanresa iki: —Yoxan, nokon jati riki, isin teneax itan raro iikaina, jatibitian koshiax iká. Nokon raro, nokon onantima raro iki bena berobo benati; benati, ointi, noiti itan jainoax… yometsoati, nokona iti, eiba iti. ¡Westiora iketian rarorti, jatiobi oxe iti! Jainoax iwanaxra kabori joai: nato netebo winotabaonra nonkon raro jawekibo namana iki, keyonaketianra ea raketai, enra onanke keyorai ixon, jawetio basires ikai, jaskaribira ea onitsapiti kai, wetsabo benai, jakiribi peoribiti. ¡!Jatian berobobicho iketianra ¡Ikaxbi jimikan! ¡Jatian jiwi joakan! ¡Oinkayata nokonjawekibo! Westiora isin rabe chonka posaka netetibi pikotai. Basimashoko raro. Ikaxbi ea ikoanwe: onitsapitara jakon iki. Ja ikon iki nokon ani masa shinanti bena berobo benaikaman; ikaxbi jawetianki en merai,, jawetianki shinan tsokasmeran ea raroai, jawetianki nokonabo en oinai —enra onanke jawerato berobaonki ea oinxon jaskara iki nokon jati iki ixon ea yoai—, jawetianki rekeaikin ea oinkanai, jawetianki ochoxonbi bena berobaon kikiankin ea oikanai nokon bero joekanra kikiankin jato oinai… —¿Minra wetsa icha berobo akabira iki? —Icha oxebokeska riki ea basi jaa. Min onanke noa hipocampo penebiresbora kabori bebon yosibo iki. Eara bero yankonyabo ika iki, naikeska yankonbo, jene bexnankeska, oa yamé icha jishtinbo non oinaikeska, pexkan rebobo yankokeskabo ani parobo jenetiai aniakeska. Jabora jatibi en yankon oina iki , yankon, yankon… ¿Jaskaribiki winotai? —yokata iki jakon ikoanra akin. —Chibanreswe, chibanreswe… —Eara bero yankonbo ika iki jenemea xobi chanka nokon palacio ikakeska jatian jabo iki ani paro xoo jisa imaibo kikiankin min oinaibo, westiora ochakeskaakin, yamekeskaakin, joni retekanakeskaakin, westiora joi mia seneanxonyamakanakeska, kawan otakeska; nato makan pene wisokeska jan nokon yora kateaketana —ika iki rabiresi—. Itan panshinbo, itan yamebo ita… ¡jatibi metsabo ika iki! Rabé berora yoia iki nato jakoinra joibo kopi: …Westiora melocotonerona
RkJQdWJsaXNoZXIy MjgwMjMx