25 —¡Unuimatnawai senchi! ¡Jii igkuaig nunui nagkamsaik shiig anentaimsa pujumaitsui! Shiig pegkejai jii igkuamuk nuniau asamtai utugchat igkuamu akuish duka imanikaik puyatjunnatsui. 10 imagnia waitiaknush waitmainaitjai imanika waittsamu akush shiig aneamua nunu nagkaewai. Aniau asa jii egaku waitiamuk pegkeja aanin diinui. Duka... yupichu tumaitsui, dukuwa... tujash duka anenkai, anegka nagkaekau. Atum nugkaya aidautigmek imanikam ashii ejeejam anentaimtsujume ima tutupnik anentaimjume waji aina nunui... Nunik chichamujin yapajias, buuken kamatkanum apujus, iyashin yumi umuchkati tusa idaiyu. Ujukeg buchitu namak tsukatmaunum diipas reloj buchitak wajukmaina aatus, nunik pujus wajen shiig jiin diiyak tau: —Tsuwa, shiig pegkejuch jiim ajutjamui, dukuwa. —Pegkegka diiyam —tusa dukug tau— wagka atsumame; minak aitak buutmaunmak ajutui. Jiig atsakuig buutmaitsujai tinujai tau, antsag jii atsakuig butmaitsuapi tinujai wagki negaikish wajuk jinkiti nunui... —Tsuwa, aniakug jinmainajama detsepe menajia nunui, aniachkush dijainumia tusa tau niina nijayin mamikiak, perla kapantaku amaun mamikiak tau. —¿Tujash wajukattame kashin etsa akaegai jii, numpa copanum, yagkug egam nunu igkuashkumesh? —Igkuashkunuk, jakatajai. Mina palaciojui jegatsuk jakattajai, nunikmatai yakita tujutiagtatui dekashmau ajapnattajai wainak aents wajukmaina ankan... Tusa shiig senchi buutu wait anenmain. —¿Waji sukagtumainaitme, kuri apujiya, kampatum waji atsumam nunu juwakmesh? —Wajinak segatuinawa nunak ashi sumainaitjai, ¡Wii pujamugnash ashi sujumainaitjai! ¡kuwashat sukagtumain ajutui! Sukagtumainaitjai shiig aneasa pujutan ashi aents aina nunak. Ashi aents atsumaina duka nayantsa initken awai wii pujag nunui. Nayantsnum pujutak nagkamnauwai.
RkJQdWJsaXNoZXIy MjgwMjMx