26 Jujui mina patag hipocampo kuri aentsu apuji ajakuk, yaunchuk aents aidau aentschau ajaku. Nayantsanum awai, yaunchuk batsama ajakmaush, duka initak awai yutunau, antsag yamai pujut awa dusha nayantsa initken juwaktinai antsag yaunchuk ajakua dusha, nayantsanum ashi nagkamnauwai, antsag nayantsanmak ashi abuekatnai. Wiika ashi sumainaitjai segatuinakuig. Aentsuk shiig anenawai ditai uminmainchau umintai. Ajutui kumpag nugkanum mina apachun yaigmau senchi, wekaegu akug wii atsumag nuna sujumainai nantutin atsumag nuna. Tujash wekaemaitsui nugkanum achima pujawai. Nii diwimjawai niigka ajawai mina patag yaigmaunum. ¿Amesh atsumamu ajutjamtsuak? —Jeha —tau dukug Glicina—. Wii pujusmayajai bakichik príncipe nayantsnumia taujai. Kanagmayajai bakichik kashi. Nii tujutmayi: “Kampatum mijan, kampatum nantu, kampatum semana, kampatum kashi wegakui nayantsa wenin egatkata tusa sura autu, nunui iina uchiji akinattawai tusa ame wakegamu...” aatus tujutmayi tau. Nunui yamai tajai. Amamainaitjai jiijun, numpan, yagkugnashkam ame mina uchig akiinati tusam yaigkuminik tusa tau... Tutai, hipocampo kuri wakemsemag pujaushkam shiig aneas yantsaptug wajasu, shiig aneamunum kujau. —Ayu tau —tiu hipocampo kuri—. Uchigmek akinattawai. Waji aikattame nunu shiig antukta. Etsa jiina nuwi weta, estenum. Ikam wainkattame, nunui wayata. Nagkaekita namak muun ishamain, chichijam depetamkui juju chicham tita: “Jigkae jimaya yagkuji, numpa copanum, mina jiijuk hipocampo kurinuwai, aatus tita tusa akatjau. Aatsa tusam katigtatme. Nunui katigminik nuwigtu nunui mina duka imanchauwai tusa tiu, yagkug jukimek, jujui taata nuniakum sujustatme jiim, copa numpanum au, nuwigtu yagkugchakam. Nuniakum nuwi jakattame, tuja uchigmek akiinau atatui nuwig. ¿Dekas aikatjai, umiktajai tamek? —Dukug Glicilashkam —ayu tajai tau. Tusa wekaegas weu, weta nunui tusa mamikiamunum.
RkJQdWJsaXNoZXIy MjgwMjMx