24 Dukug Glicinak bitat wajasu, nuniai hipocampo chichau: —Mina pujutjuig awai wakemsemashkam, shiig aneamushkam, nujai tukee maaniajai. Wii dekas jetemjamuk jii egamuwai, shiig diisan wakesan diisan kasamjai dutikan minau eman shiig nagkanjai bakichik nantua nunui inagnamu tsawanta nunui waitiajai jiijun emegkakaig tusan ima bakichik nantuk yaintui jiik, dutikan ataktu egajai, ima dukechui numpanashkam egajai antsanuk jigkae yagkujinash egajai ¡Wainmek waitiamua nunu! Dakitmain 28 tsawan wegakui ataktu egamu, shiig aneasa dukap tsawan pujashmau. Tujash shiig pegkejai juju waittsa juwamush. Shiig puyatjusa egajai yamajan jiin. Tujash jii minau atinun wainkunuk shiig aneajai wagki wii dekajai tuki minau ati nunak. Wagki ikaa diiyamash shiig diijui jii yacha wajakin diijui shiig aneas... —¿Kuwashtaka jiish yapajiauwaitam? —Wajupa nantuk pujaja nunak jiinak tuke yapajinaitjai. Ii hipocampos aidautik kugkuim nagkaesau puju ainaji. Jiig ajuttsauwai, wigka, nayaimpia aanin, yumi saawiya aanin, kashia aanin, wigka namaka aanin nayantsajai igkunia aanin... ¿Amesh aniamek? Tusa iniau kumpamas. —Emata, emata augmattsam tau… —Ajuttsauwai jii samekmau algasa aanin, mina palaciojui tsakauwe aanin, nunuwai nayantsan samekmau ema duka ame wakesa diiyam nuna. Shuwiknushkam ajuttsauwai nayantsa initken shuwikna aanin, tudau takasmauwa aanin, kashijai betek, maatasa namua nunin, tunamaamu najia aanin, wakan shuwikna aanin, juju perla shuwitna aanin mina iyashjui awa aanin —aatus tau shiig jumamas ememas—. Antsag paugchakam, washuknushkam... ¡shiig pegkejush agmayi! Jimag jii pachisa timau: ... Melocotonkan diin timau dekatkau tsamajuk, ananatu pegkeg kugkugkut, initkajinig nejeg yumintsak dapajai betekai ¡Imauwai aents niimauk shiig pegkeg ashi wakemain!
RkJQdWJsaXNoZXIy MjgwMjMx