23 —¿Tujash amina inakjum aina dusha ame atsumamu aina nunash dekainawak? —Nunak dekainatsui. Mina inaken wii wakegamu umiashmaun dekainakug ajantujus diigmainchau ainawai, nuniak ditajai betek diigmain ainawai. Nunitaig wii pujamujuk atsau wemainai tsainak. Imanik atugchat amaunmash reynuk tukee pegkegjig ajawai, wakesa diimainjishkam… Nuniak wakemseman tiu: —Wakemsemjai numpanmash, anentainmash; rey ajin iijai batsata nunu dekas waji wakegaji, wajig dekapeaji nuna dekainashmaunmak. —¿Dekamainkait, muun hipocampo kuri, ame atsumamush wagka atsumame? Yumi yantamen ijus jeganta wajas; shijaptajin perlas pauma nujinjiya imau ayaun shiig kuwitamas apujus yuminum, jimaituk iyashin yuminum jiiki pujus, ujuke yuminum buchitai pujus, tau: —Dukuju, minak nagkaetawai tusa tau. Mina jiijuana, mina jiig pegkegchia duka, tusa antiau ujuken —, juka mina jiigchauwai... —¿Aminuchukait, muun hipocampo kuri? —tusa puyatuk chichau wajea duka. —Mina jiig pegkegchia duka minauchui tusa tau iyashi kujaun etsanjaun umuchiak. Juju mina jiig wainam duka kashinik atsuttawai etsa akaegai. Nantutin egajai jiinak, nuna juwashkunuk junisnuk jegattajai. Ima dukechui, antsanuk atsumajai nantutin numpa copanmashkam, nunuwai iyashun etsanmitka duka, nuna juwashkunuk iyashui kegachu jegattajai wii pujamunum; antsanuk atsumajai jimag jigkai yagkujinash, nunuwai wii dekamun suja duka, nunui ajantujus diijuinawai, nuna juwashkunuk shiig chichamainchau wenu jegattajai nuniaknuk shiig wainkaush namak wetatjai, ¡wii ima imanaitag nuna tikich rey aidaujai diiyamash! Mina inakjuk dekamunak atsumainatsui antsag dekainatsui tuwig awa nunak, antsag tuwiyag tsattinush minawa nunashkam; shiijam wetanak dekainatsui antsan jiinash tuwig jumain ainawa nunash dekainatsui...
RkJQdWJsaXNoZXIy MjgwMjMx