12 Yarejeitantapakari Paco Yunque jero iriniro ashitakomentotsikira yotantsipanko, iñapakeri jananekipe iñatsajeita saiterikira. Irokea iriniro ojokapaintatiri ari opiyaitanaja. Yaninentita Paco inetsikeaji, inkenanake niyanki saiterikira, yajirikiro iribirote, isankenarepana jero irapishite. Tsarobanentake Paco, obakerara iñeiro yotantsipanko; aisati tera iñapininteji ishekitimoteri jananekipe yapatiyabakajeitya. Osheki obameniteripe, kemejeitariri, impokajeimotapakeri irikea Paco, intsarobanentapake, ari ishirinkanaka ikatimotaparo otantomento, inkityonkaboroitanake. ¡Paitakea eiro okanta amatabiteri jananekipe! ¡Mapero iyojeiti! Te impashibentanetyaji inkemetakakaro isaiki ibankoki. Ya- tsarajeiti. Ishiyajeita. Shironta shirontajeitaka. Mijajeitacha. Inkaposanajeitabaka. Antsitakoinini. Aisati Paco onkantimonentakari tera inkemapininteji iñabejeitabakayempa osheki atiripe isaikinta. Yametaro inkemapininti isaikinta inkoirika iñanate, aparoni ñabetatsine, intsonkanakerorika obakera pashini iñabete, ari inkantajeitari. Aririka onkantapaintya, inkemiri atiripe yapatojeityarika inkarati otsi iririka koni ñabejeitatsine. Irinti iriri, iriniro, aisati José, amashekibari Anselmo impoiji Tomasa. Iro shekiyapaintsiri tyapape. Iro katsini aririka ompoimate nijateni… Tetempi. Karini iñabere atiri, onkatashibeta irori, ompashinitashita. Mekakea oka inkemakeri yotantsipankoki mapero osherianti ishekijeitakera. Iri Paco te inkemampeanajea. Iñabebetapakari, aparoni jananeki batsanti kirinkonenta, imatsarata kitamarori. Pashini jananeki, irijaninentatsiri, tsamesanonenta imatsarata iborosate asori, iñanabetapari. Pashinira apatiyabakajeitachari obameniteripe inashijeitachari inkenashijeitapakeri yameniri Paco, isampijeititapari. Irikea Paco te imatya inkemasanote, yashireamintsayetakarira. Aparo jananeki kari kirinkotatsine, mokoina iboro imatsarataro ichaketate kenashiri berariri itsakiki, yajirikapakeri Paco ishempaki inkoi inoshikerime. Irikea Paco te ishinetyaji. Yapititajari irajirikajiri kari kirinkotatsiri ishintsinentakeri impoijikea inoshikaitiri. Ishirinkitanaka Paco tantotsikira inkityonkaborosanoitanake. Ompoimatitanaka campana, kiajetaitanaji maroni bametantsikira. Apite jananeki —pajijeitachari Zumiga— yajirikabakojeititari Paco impoiji yayetaitanakeri obametantsikinta keajeitatsirira intarori yotaneri. Te inkobabetya Paco yoijaterime, impoiji inkemisantake, iñakerira aitake inkiajeitiri maroni. Inkeapakenta obametantsiki ari inkiteshibaitanake. Ari santikoiteni iro oimintsarobakeriri Paco. Irijeitake Zumiga timpajeibetakariri, yakatsamintsajeitakeri aparopenira, iñatyakea yoipakayeitanakeri ari ijoketanakeri apaniroji.
RkJQdWJsaXNoZXIy MjgwMjMx