Juan de Betanzos y el Tahuantinsuyo

todos los orejones del Cuzco e a cada uno dellos y para diferençiar dellos al Ynga llamanle Çapa Ynga ; [ f. 65 ] o quando le quiere hablar que dize solo rey y quando le quieren dar mayor ditado que rey llámanle capac . Lo que quiere dezir capac presuma cada uno qué quiere ser, que lo que yo entiendo dello es que quiere dezir un ditado mucho más mayor que rey; y algunos que no entienden el hablar, parándose a considerar qué quiere dezir Guaina Capac , en resoluçión de lo que ansí an pensado dizen que dize mançebo rico y no lo entienden, porque si dixera capa , sin çe postrera, tenían razón, porque capa dize rico y capac con ce dize un ditado mucho más que rey;e ansí le puso Yamque Yupanque quando ansí le fue dada la borla a este niño Guaina