19 IV Nunui nagkamas nagkaemakiu kampatum mijan, kampatum nantu, kapatum semana, kampatum kashi. Nunu tsawan jegamtai dukum Glicina weu nayantsa kamatkajin aintug sura autuni. Wega wegam jegak piipich wantinu, sake aidauk, uchuchiji wantinu etsa nimpantishkam emegkau shiig wainmainchau dase dasentam etsa etsanmaunum. Antsag barco aidaushkam uchuchiji wantinu. Dukug Glicinak kamatak Chupitnunum najamki wegau nayantsa yantame kaamatkajin. —¿Dukuju, tuwi wegame?- tau muun perlan yajumin—. Weepa, yamaik jiinnuwe hipocampo kuri, copanum numpan igkugta tusa egak. —¿Utugkana dekattaja hipocampo kuri jiinkiunash? —tusa iniimu dukug Glicina. —Kashi wetai kamatak chupijunum najami wegak winchamtinun ukuamunum tuidau... Wajek wegau nunik wekama igkugku datsa kugku yajumnun: —¿Dukuju, tuwi wegame? —tiu—. ¿Hipocampo kurik ishamasmek? Tau, juju etsatinik jiin egak jiinnai —tau datsa. —¿Utugkana dekattaja hipocampo kuri jiinkiunash? —Kashi wetai ujigmamu antuinai, nunitaig ashi bitat wenai. Wajek nuwi juwaki wekaegas wekama wainkau bakichik uchi namak carpan achinun: —¿Dukuwa, tuwi wegame? —tusa iniau—. Bachik asa jiinkittawai hipocampo kuri durazno jimag jigkae yagkuji ajaun egak... —¿Utugkana dekattaja wiisha tuwi hipocampo kuri jiinua? —Nayantsanum nii jinkittak wajatai wantinkattawai kashi bitatnum namak iyashin kegau...
RkJQdWJsaXNoZXIy MjgwMjMx