18 IIi Tujash dukug Glicinak shiig aneasan pujachu antsag uchinak uchigmamainchau kaga. Waje aneamu wegantuk amuetukmau wagki nii batstakamunmak nuwenmauk imanchau diitai asamtai. Bakichik tsawantai nayantsnumia tau barco wainchatai, Cristobal Colon American wainkattak barconum wekaega ajakmauwa aanin. Ajau velaji muun aidau nuwigtu uchuchiji aidaushkam, barco nujin dakumkamu au ishamain aents nayantsnum wekaeyin dakumkamu. Barcok tau agkuai, tujash ima bakichik aentsuk egketu: bakichik datsa shiijam maniaku nugkutain nugkuaju príncipe Lohengrinjai betek. Nunu kashia nuwik duka datsak kanaju dukug Glicina jeen. Kanajaju kajinmas yakita nunak dekanitsuk wakejuninau asag. Dakaniau wajukmaina aanik kugkunisaju, nunik tsawak barcok weu yujagminum pachinak tuke megkaekau. Dakaniaku pujauti igkunikmauwa aanin nagkaemakiu wamkeush. Nuwi nagkamas dukug Glicinak waje wajasu batsatkamunmak.
RkJQdWJsaXNoZXIy MjgwMjMx