29 VI Ichamashoko maxkata iki ja ocho ponteta bari toró naponbekon xateti yoxan Glicina nokoketian. Ja hipocampo penebires manaa iki tsokasyananbi. —¡Nokon masen jimi bochoawe! —ika iki. Jatian ja ainbokan isimeti jawe sai iamabiresi, xocho chopeta iki, westiora pono xatea iki itan jimi xana baita iki, bakoxi reykan masen bochoaikaman, westiorakin jatibi xea iki. —¡Rabe bimin berobo ea inanwe! —ika iki. Jatian ja ainbo metsisyamabobia iki, joe jatibitian moa nokaa iki itan jawen berobo hipocampo penebires mania iki, jaskaaxon kinimeran aka iki moa jawebi yama. —¡Min berobo ea meniwe jara nokona iki! —ika iki. Jatian ja ainbo, jawe iamai, jawetianbi moa joeyama iki itan ja hipocampo penebires jawen berobo menia iki, jawebi yamaa kinimeran aká iki. —¡Rama nokon bake ea meniwe! —ika iki. —Taxo botanwe jainoa kimisha joa rebo min tsekaa, jatian bakishara min bake pikotai. ¿Jaweki keenai mia menitinin? Jatibi jakon jaweki jonibo jayatara en meniti atipanke, enra jainoa rabé tsamá jaweki en rakanxonti atipanke, ikaxbi westiranabicho….¿Jawerato tsamaki mia kextoaxonti kenai?
RkJQdWJsaXNoZXIy MjgwMjMx