21 —¿Jatian jawekeskaaxon en onanai hipocampo jainoax pikotai? —Yamé jawebi ninkati yamaketianra westiora yapa joebires peiya winonoxiki ja ani paron jishitiamabi… Benomaya kaa iki. Bari jikia iki. Yantan joshinketian, jawen yora yankona iki. Yametaitian benomaya westiora maxkoshoko repinte ikain manai yakata iki.Jaskara iketian kexá mechá ikain westiora jain jamata joeti peokota iki. Bechonmeran westiora yapa joebires biri iká iki, koshi xoin ikatonin xabá patsen aka iki. Oxe, nai pontetaton kaxketa iki, jishtishaman itan wetsaresbi jisabo ointi ika iki. Westiora yoina penebires bechonainoax pikota iki itan, yamemeran,joe joetanibaon yame yankon ikain jawen yora rakoa jisá iká iki. —¡Eri, ea omisa! —ika iki—. Ea riki rey itan nokon reino ikain iora raro. ¡Jawetibires bebon raro riki nato peota nokon ikabo ruin bebonbires! —¿Jawe kopiki airakin min ea omisa, joní? —benomayan yokata iki—. Westiora reyninra min keenakeska mia raro imati iki. Jatibi jaa kenaibora seneanti iki. Min jonibo raroti yokawe jatianra jabaon mia meniti iki… —Eh, jakoinra itan metas yoxan —hipocampo penebires jishtenkaina iki—. Nokon jonibaonra jato jatibi jayatabo ea menikanti atipanke, jaton jati neteyabi, ja iki mina, ikaxbi raro meniama. ¿Jaweki nato wiso makanshokobo tsinkitinin ea axonti iki? ¿Jaweatiki jene joeyoma chichó nokon palacio bewabo en keenti iki? ¿Jaweatiki topontimati lamac koshi sontarobo jene chichó nokon reino merati kaitian yamé joenaibo ea keenti iki? ¿Jaweki, yuyos niibo, jawen peibo bexnan meskokeska jisabo? Enra jatibi ani paromeran ikabon raro atipanke, ikaxbi jabaon nokona atipayamakanke, ea rey iketian, eara meskokeska jaweki keenai itan nokon yonitabaon keenaibo mesko iki; eara meskokeska jimiya iki. —¿Jatian jawekeska jaweki mia keenaibo iki jaabo, hipocampo joebires, joní? —yoxan Glicina keentania iki. —Ja riki jaskara, nokon yoxan — ariba iki naton — eara jaskati ikana jatianbicho pikota jisaya iki. Westiorabicho hipocampo penebiresra jake, ja iki, westiora hipocampo rarebobicho ja yoi. Ani paro
RkJQdWJsaXNoZXIy MjgwMjMx