19 IV Kimisha baritia winota iki, kimisha oxe, kimisha simana, kimisha yamé. Jatian, nato nete seneanki, ja yoxan Glicina jene kexá kaa iki, surkiri. Jainmashaman oinabi jema ochota iki. Tawa peotabo itan chikebo maxkoshopakea iki; peibo, ochotax, oina kextomashoko ika iki itan mashi xanameranoax niwe pikotai namana iamax matsia iki, bari irake akanaitiankeska penebires ika iki. Barcobo, jawen nachankabo oken kensho iaketana, ani paro kawanain maxkoa iki itan nenke yoshoki iamax boshtikeskaki maxkoshoko ika iki. Yoxan Glicinanin jene kexá mechaki jawen tae soi jamabo jeneboa iki. —¿Jaweranoki mia kai, yoxan? —aka iki westiora pené jaweki biai jonin. Oribo moa kayamawe, nato netebo jenemea yoina orobires (jene kabayo) pikotai kopi jawen jimi copa benai. —¿Jatian jawekeskaaxon orobires jene kabayo pikota en onanti iki? –yokata iki yoxan Glicinanin. —Jamatabo baneta penebires yametaitian mashi mecha ikain jeneai... Benomaya karesa iki kakin westiora yomerai bakeranon meraa iki: —¿Jaweranoki mia kai, yoxán? —aka iki—. ¿Miaki hipocampo penebires iki rakéyamai? Nato orabora bero benaibo pikotai —aribaa iki ja yosin. —¿Jatian jawekeskaaxon en onanti iki ja hipocampo penebires pikotai? —Yametaitianra itan jawebi moa ninkati yamaketianra ani paronko jawen koxin xooin ika non ninkatai. Benomaya kaa iki kakin westiora bake peota biai meraa iki: —¿Jawerano mia kai, yoxán? —yokata iki—. Ramabira hipocampo penebires durazno joainkoniax rabé yoinameranoax pikotai…
RkJQdWJsaXNoZXIy MjgwMjMx