12 I Westiora jiwin taxo soishamankeska iká iki westiora yobé ainbonin boo, jatian jawen peibokan niwen wexema, westiora bersaglieri jisachakeska iká iki benomayan xobo koirani. Ja benomayan jane iká iki yoxan Glicina. Ani paron jakoinra niwen soi jiwin metsaira pei rebobo wexema iká iki; poto xetin, ochokea nasi ikainxon poto bekin, jenemea yoina icha mebiya xoiya meshota iká iki, itan, xoon atan xoon atankin, jawen taxo oshi shokores tanxana iká iki. Ochoxonbi, soi jiwi yoia iki westiora wekita teki, witákeska tayanresai rakamakin Yoxan Glicinanin xobo iká iki maxkoshoko itan matsotashaman. Yomeraibaon jema maxkoshokonko, jabicho iká iki moabi jain jaa joniboxaran joxo ainbo. Ani, xoa, wacho, ishton, xontakotian, ja yoxan Glicina westiora mananxaweya ika iki. Westiora mananxawe iora xoa, itimares, iitimabi, bariapan, jaweranobi kayosma gaviota jakomati sai ikaikeskati jishtenkaikaketi; toa toatani pexkan itan mapo testo pia rekenshokeskaakin pikoa iki; rabé tosó beon potai axea ika iki, isin tenekin airama ikaxbi; aniparo onankasa iki; jatibitian yantani yamekainain jabakaskin ikoni yoia iki itan, Alemanianin jawe atipanyama shinanaikeska ika iki, nato shinameeti aká iki: —Nato nete riki mananxawebo betan jakoma. Tsasikaina pekao, yoiribia iki: —Jakoinra xabá riki westiora onisti janso jaweki... Jatian jatibitian jabi ichamashoko yoiribikin keyoa iki, jaa iikirana iamax aabeirana jawekibo.
RkJQdWJsaXNoZXIy MjgwMjMx