12 I Sake dukeg dase tukua tukuam nuwa tunchi intashiya aanin wajakin, intash yaki japiki jigkamua aanin wajakin, sugtag atsejuk wajamainai aanin, bakichik dukug Glicina waje jeen kuwitamak wajamaina aaniau sake aidauk. Dase tukua tukuam sake duke ichinjau, tsetse kakae kakaetan bikajug washukin wajasu, antsan sakek punuaku wajasu dase tukua tukuam. Atushat wainmak arco mamujua aanin wee au. Dukug Glicina jeen piipich shiig kuwitamkamu tsuwat atsau. Namaka main aidau batsatmaunum nativo aidau batsatmaunum nigki shaajam wajakin pujau. Esajam, senchi, tsekeskentau setakchau pimpiakchaau, ajau kugkuig duwejam wajakin kakakchau. Tsawantai kugkuimak shintau pishat gaviota pampautai. Buuke shanigkiagmaun jiiyau diipas. Nuniak tuke negaikin jimajan jiiyau wakemsemag dekapeachaitak aa aaniakua unuimatjau asa. Nayantsan diis Káshi wetai uumkam tupikattajai tau. Filoso alemannumia utujimas chichau taku tuwiya, niigki tumamu: —Pujutak kugkuignumak pegkegchauwai. Pachik bitat pujus tau: —Wainak ankag pegken wantinui dekaskek ajachui… Nunak tukee tii nagkanu, nii pujamujin diis. Tusa buken awakeau, nunik kanau.
RkJQdWJsaXNoZXIy MjgwMjMx